საქართველოს სისხლის სამართლის კოდექსის 260-ე მუხლის მე-3 ნაწილის მოქმედი რედაქციით, დასჯადია განსაკუთრებით დიდი ოდენობით ნარკოტიკული საშუალების უკანონო შეძენა, შენახვა და ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.\r\nსაქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტის თანახმად, რომელიც განიხილება საქართველოს პარლამენტის მიერ, აღნიშნული დანაშაული - განსაკუთრებით დიდი ოდენობით ნარკოტიკული საშუალების უკანონო შეძენა, შენახვა, გათვალისწინებულია 260-ე მუხლის მე-6 ნაწილით და ისჯება ანალოგიური სახის და ზომის სასჯელით - თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.