ბიუროზე დარეგისტრირდა საქართველოს კონსტიტუციაში შესატანი ცვლილებების პროექტი, რომლის მიზანს წარმოადგენს ვენეციის კომისიის მიერ გამოთქმული რეკომენდაციების ასახვა საქართველოს კონსტიტუციის ახალ რედაქციაში. ცვლილებებით:

• ზუსტდება რწმენის, აღმსარებლობისა და სინდისის თავისუფლების შეზღუდვის კონსტიტუციური საფუძვლები და ხდება ახალი რედაქციიდან სიტყვების – „სახელმწიფო უსაფრთხოება“, „დანაშაულის თავიდან აცილება“ და „მართლმსაჯულების განხორციელება“ ამოღება
• ხდება ე. წ. ბონუსის სისტემის ამოღება
• საარჩევნო ნორმებისა და არჩევნების არაკონსტიტუციურად ცნობასთან დაკავშირებით 3 თვით იზრდება შესაბამისი სარჩელის განხილვის ვადები. უქმდება ჩანაწერი, რომლის თანახმადაც, არჩევნების კონსტიტუციურობის საკითხს საკონსტიტუციო სასამართლო წყვეტს სიითი შემადგენლობის სრული თანხმობით
• მომდევნო საპარლამენტო არჩევნებში მონაწილეობის შესაძლებლობა, გარდა პოლიტიკური პარტიებისა, ექნებათ პოლიტიკური პარტიების საარჩევნო ბლოკებსაც
• ტერმინი „ხმოსანი“ იცვლება ტერმინით – „საარჩევნო კოლეგიის წევრი“

კანონპროექტი იხ.აქ: https://info.parliament.ge/#law-drafting/14653

ასევე შეიქმნა საყოველთაო სახალხო-განხილვის საორგანიზაციო კომიტეტი შემდეგი შემადგენლობით:

• ირაკლი კობახიძე
• თამარ ჩუგოშვილი
• ირმა ინაშვილი
• არჩილ თალაკვაძე
• მამუკა მდინარაძე
• სალომე ზურაბიშვილი
• ვასილ გონაშვილი
• თენგიზ შარმანაშვილი
• ლაშა ტუღუში
• თორნიკე ჭეიშვილი