საქართველოს პარლამენტი განიხილავს საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტს „საქართველოს სისხლის სამართლის კოდექსში ცვლილების შეტანის შესახებ“, რომლის მიზანია სისხლის სამართლის კოდექსის 260-ე მუხლის შინაარსის ოპტიმიზაცია და ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა და გადაგზავნის გამიჯვნა მათი უკანონო გასაღებისაგან, რაც გამოიხატება ამ ქმედებების ჩადენისათვის სასჯელის განსხვავებული ზომების დაწესებაში.\r\nაღნიშნული კანონპროექტით არ არის გათვალისწინებული განსაკუთრებით დიდი ოდენობით ნარკოტიკული საშუალების, მისი ანალოგის, პრეკურსორის უკანონო დამზადება, წარმოება, შეძენა, შენახვა, გადაზიდვა და გადაგზავნის გამიჯვნა მისი უკანონო გასაღებისაგან და შესაბამისად, არ არის გათვალისწინებული განსხვავება სასჯელის ზომებშიც, თუმცა, როგორც აღინიშნა, კანონის პროექტი განხილვის პროცესშია და საბოლოო გადაწყვეტილება მიღებული იქნება პარლამენტის მიერ.